ROONEY KUIKABILI GOR MAHIA

By Anonymous -


NA MARIMU MTORO

Mshambuliaji Wayne Rooney atacheza mechi yake ya kwanza akiwa na kikosi cha Everton leo dhidi ya Gor Mahia kwenye Uwanja wa Taifa Dar es Salaam (saa 11:00 jioni).
Rooney atacheza mechi hiyo ya kwanza tangu alipoiacha klabu hiyo ya Merseyside mwaka 2004, pia winga Aaron Lennon atacheza mchezo  huo baada ya kupona ugonjwa wake wa msongo wa mawazo.
Rooney atakiongoza kikosi hicho cha kocha Ronald Koeman kuhakisha kinatoka na ushindi dhidi ya Gor Mahia mabingwa wa Kombe la SportPesa.
Rooney amepokelewa kwa shangwa tangu alipoamua kurejea Goodison Park na atacheza mechi hiyo ya kwanza akiwa na jezi ya Blues tangu alipofanya hivyo Mei 2004.
Nahodha huyo wa zamani wa England, alifanya mazoezi na kikosi hicho jana Jumatano kwenye Uwanja wa Taifa.
Pamoja na mashabiki wa Afrika Mashariki kuwa na wasiwasi kwamba Gor Mahia itachapwa mabao mengi, wenyewe wamesema watawaduwaza wengi.
 Beki wa Gor Mahia, Harun Shakava amesema  wanauchukulia mchezo huo kama michezo mingine na kwamba wamekuja kwa ajili ya kupambana.
“Kila mtu ana ari ya kutosha. Ni mechi ya kihistoria kila mchezaji anatamani kucheza dhidi ya timu ya Ligi Kuu England," anasema Shakava.
Winga Oliver Maloba alisema tamaa yake kubwa ni kuwapiga chenga masupastaa wa Everton. Natambua uwezo binafsi nilionao. Vile vile suala la  kumchenga mtu  kama Rose Barkley itanipa raha.”

Comments

Post a Comment

Popular posts from this blog

SIMBA ILIVYONUSURIKA KUSHUKA DARAJA MWAKA 1989

By Anonymous -
Image
                    Kwanza lazima niseme tu mwaka 1989 ulikuwa mgumu kwa timu zilizoshiriki Ligi Daraja la Kwanza na hata kwa timu ya Taifa (Taifa Stars) na hata ile ya Tanzania Bara, ambayo ilishiriki kwenye michuano ya Kombe la Chalenji. Matokeo ya ajabu zaidi yalikuwa klabu ya Simba, ambayo ilijikuta ikinusurika kuteremka daraja mwaka huo, lakini kikubwa zaidi ni kule kushangazwa na ubora wa timu ya wajenzi ya MECCO kutoka Mbeya, ambayo mwaka huo ilikuwa imepanda daraja la kwanza. MECCO, ambayo ilikuwa inaundwa na wachezaji kama Epharaim Kayeta, Nassib Abbas, Betwell Africa, Abeid Kasabalala, Rashid Mandanje, Danford Ngesi, Charles Makwaza na wengineo, ilifanikiwa kuwabana mbavu Simba chini ya kocha Mohammed Hussein Hassan 'Msomali' ikiwa na wachezaji Moses Mkamdawire, Juma Shamte (alitokea Tukuyu), Omari Hussein 'Kakakuona' (alitokea Maji Maji), Dan Muhoja, Michael Kidilu, John Mkelele, Edward Chumila, Raphael Paul, ...
Read more

TUJIKUMBUSHE MECHI KALI KATI YA YANGA NA SIMBA NYAMAGANA 1974?

By Anonymous -
Image
Kikosi cha Yanga cha mwaka 1973 kabla Dk. Victor Stanculescu (wa pili kushoto) hajaondoka. Anayeongea na wachezaji na meneja wa timu, Shiraz Sharrif. Wengine ni Hassan Gobbos, Kitwana Manara, Maulid Dilunga, Sunday Manara, Elias Michael, Boi Idd 'Wickens', Selemani Said, Gibson Sembuli, Omar Kapera, Ally Yussuf, Abdulrahman Juma (nahodha). NA MWANDISHI WETU KWA wenye kumbukumbu nzuri bila shaka kipigo cha Nigeria cha magoli 2-1 toka kwa Italia katika raundi ya pili ya Kombe la Dunia huko Marekani mwaka 1994 kiliwarudisha mapema miaka ya 1970 pale Yanga ilipoichapa Simba magoli 2-1 kwenye fainali ya Ligi ya Taifa ya Soka kwenye Uwanja wa Nyamagana, Mwanza. Nasema huenda kumbukumbu hiyo ikawa imejitokeza kufuatia kufanana kwa kiasi kikubwa kwa matokeo hayo, hasa muda, yaani ‘timing’, magoli hayo yalipopatikana. Katika mchezo wa Nigeria na Italia Alhamisi ya Julai 14, 1994, Nigeria ilikuwa ikiongoza kwa goli moja ililolipata mapema kunako dakika ya 26 hadi dakika ya 87 Rob...
Read more

JINSI YANGA ILIVYOIADHIBU SIMBA MWAKA 1994

By Anonymous -
Image
Kikosi cha Yanga cha mwaka 1994. Kutoka kushoto waliosimama ni Salum Kabunda 'Ninja', Constantine Kimanda, Steven Casmir Nemes, Kenneth Pius Mkapa, Selemani Mkati. Waliochuchumaa kutoka kushoto ni Nico Bambaga 'Machine', Sekilojo Chambua, Edibily Lunyamila, James Tungaraza 'Boli Zozo', na Said Mwamba 'Kizota'. NA MWANDISHI WETU YOUNG Africans, ambayo mwaka 1993 iliteswa sana na wapinzani wake wa jadi, Simba, baada ya kutamba misimu miwili ya nyuma, hatimaye Jumamosi Februari 26, 1994 iliingia kwenye Uwanja wa Taifa, Dar es Salaam kuwakabili ‘wanyama hao wakali’ wa Msimbazi, ambao mwaka huo walikuwa wameongeza makucha yao kwa kuwasajili wachezaji mahiri na wauaji wa mabingwa hao watetezi wa Tanzania Bara, Yanga. Katika mchezo huo wa raundi ya nne ya Ligi Daraja la Kwanza ya Tanzania Bara, Young Africans waliingia uwanjani wakiwa wanadharauliwa kutokana na ubutu wa fowadi yao tokeo ligi hiyo ianze na kutokana na jinsi walivyoonyesha mchezo hafif...
Read more