TAMBWE NA CHIRWA KUISUBIRI SIMBA

By -
Kocha wa Yanga George Lwandamina amewaondoa kwenye kikosi chake kitakacho kwenda Kusini wacheza Tambwe na Chirwa ili wapone vizuri majeraha yao 
 
Kocha George Lwandamina wa Yanga amewaondoa wachezaji, Obrey Chirwa na Amissi Tambwe, kwenye kikosi kitakacho kwenda Nyanda za Juu Kusini kwa ajili ya mechi mbili za ligi dhidi ya Njombe Mji na Majimaji FC.

Lwandamina ameiambia YOUNGA AFRICAN, kuwa analazimika kuwaacha wachezaji hao ili waweze kupona vizuri na atawatumia kuanzia mchezo dhidi ya Ndanda FC, ambao utapigwa Dar es Salaam Septemba 23 na ule dhdi ya Mtibwa Sugar ambao utapigwa Septemba 30.

“Wanakosa fitness ndiyo maana nataka kuwapumzisha ili wafanye mazoezi kwa muda mrefu zaidi lengo ni kuwaanda kwa ajili ya mechi hizo na nyingine ambazo tutakwenda kucheza kanda ya Ziwa kabla ya kupambana na Simba Oktoba 28,”amesema Lwandamina.

Kocha huyo raia wa Zambia amesema maandalizi yao yanakwenda vizuri kuhakikisha wanashinda mechi hizo mbili ambazo wanakwenda kucheza kwenye mikoa ya Njombe na Ruvuma.

Amesema kusudio lao ni kurudi Dar es Salaam na pointi sita ambazo zitawaongezea kasi kushinda mechi nyingine mbili watakazocheza nyumbani kabla ya kuwafuata Kagera Sugar na Stand United Shinyanga.

Wakati Lwandamina akitoa taarifa hizo tayari wachezaji hao walishaanza mazoezi mepesi chini ya daktari wa timu hiyo Edward Bavu, na walipania kuisaidia timu yao baada ya kutokuonekana kwenye kikosi cha Yanga tangu kuanza msimu huu.
Kukosekana kwa nyota hao kutamfanya kocha Lwandamina kuendelea kuwategemea Donald Ngoma na Ibrahim Ajibu kwenye safu ya ushambuliaji ambayo kiasi fulani imeonekana kupoteza umakini kutokana na kupoteza nafasi nyingi mwenye mechi iliyopita dhidi ya Lipuli.

Comments

Post a Comment

Popular posts from this blog

SIMBA ILIVYONUSURIKA KUSHUKA DARAJA MWAKA 1989

By Anonymous -
Image
                    Kwanza lazima niseme tu mwaka 1989 ulikuwa mgumu kwa timu zilizoshiriki Ligi Daraja la Kwanza na hata kwa timu ya Taifa (Taifa Stars) na hata ile ya Tanzania Bara, ambayo ilishiriki kwenye michuano ya Kombe la Chalenji. Matokeo ya ajabu zaidi yalikuwa klabu ya Simba, ambayo ilijikuta ikinusurika kuteremka daraja mwaka huo, lakini kikubwa zaidi ni kule kushangazwa na ubora wa timu ya wajenzi ya MECCO kutoka Mbeya, ambayo mwaka huo ilikuwa imepanda daraja la kwanza. MECCO, ambayo ilikuwa inaundwa na wachezaji kama Epharaim Kayeta, Nassib Abbas, Betwell Africa, Abeid Kasabalala, Rashid Mandanje, Danford Ngesi, Charles Makwaza na wengineo, ilifanikiwa kuwabana mbavu Simba chini ya kocha Mohammed Hussein Hassan 'Msomali' ikiwa na wachezaji Moses Mkamdawire, Juma Shamte (alitokea Tukuyu), Omari Hussein 'Kakakuona' (alitokea Maji Maji), Dan Muhoja, Michael Kidilu, John Mkelele, Edward Chumila, Raphael Paul, ...
Read more

TUJIKUMBUSHE MECHI KALI KATI YA YANGA NA SIMBA NYAMAGANA 1974?

By Anonymous -
Image
Kikosi cha Yanga cha mwaka 1973 kabla Dk. Victor Stanculescu (wa pili kushoto) hajaondoka. Anayeongea na wachezaji na meneja wa timu, Shiraz Sharrif. Wengine ni Hassan Gobbos, Kitwana Manara, Maulid Dilunga, Sunday Manara, Elias Michael, Boi Idd 'Wickens', Selemani Said, Gibson Sembuli, Omar Kapera, Ally Yussuf, Abdulrahman Juma (nahodha). NA MWANDISHI WETU KWA wenye kumbukumbu nzuri bila shaka kipigo cha Nigeria cha magoli 2-1 toka kwa Italia katika raundi ya pili ya Kombe la Dunia huko Marekani mwaka 1994 kiliwarudisha mapema miaka ya 1970 pale Yanga ilipoichapa Simba magoli 2-1 kwenye fainali ya Ligi ya Taifa ya Soka kwenye Uwanja wa Nyamagana, Mwanza. Nasema huenda kumbukumbu hiyo ikawa imejitokeza kufuatia kufanana kwa kiasi kikubwa kwa matokeo hayo, hasa muda, yaani ‘timing’, magoli hayo yalipopatikana. Katika mchezo wa Nigeria na Italia Alhamisi ya Julai 14, 1994, Nigeria ilikuwa ikiongoza kwa goli moja ililolipata mapema kunako dakika ya 26 hadi dakika ya 87 Rob...
Read more

JINSI YANGA ILIVYOIADHIBU SIMBA MWAKA 1994

By Anonymous -
Image
Kikosi cha Yanga cha mwaka 1994. Kutoka kushoto waliosimama ni Salum Kabunda 'Ninja', Constantine Kimanda, Steven Casmir Nemes, Kenneth Pius Mkapa, Selemani Mkati. Waliochuchumaa kutoka kushoto ni Nico Bambaga 'Machine', Sekilojo Chambua, Edibily Lunyamila, James Tungaraza 'Boli Zozo', na Said Mwamba 'Kizota'. NA MWANDISHI WETU YOUNG Africans, ambayo mwaka 1993 iliteswa sana na wapinzani wake wa jadi, Simba, baada ya kutamba misimu miwili ya nyuma, hatimaye Jumamosi Februari 26, 1994 iliingia kwenye Uwanja wa Taifa, Dar es Salaam kuwakabili ‘wanyama hao wakali’ wa Msimbazi, ambao mwaka huo walikuwa wameongeza makucha yao kwa kuwasajili wachezaji mahiri na wauaji wa mabingwa hao watetezi wa Tanzania Bara, Yanga. Katika mchezo huo wa raundi ya nne ya Ligi Daraja la Kwanza ya Tanzania Bara, Young Africans waliingia uwanjani wakiwa wanadharauliwa kutokana na ubutu wa fowadi yao tokeo ligi hiyo ianze na kutokana na jinsi walivyoonyesha mchezo hafif...
Read more