AJIBU AANZA KUTIMIZA WAJIBU

By -
 
 
 
 
Pamoja na ushindani mkali lakini mabingwa watetezi wa taji la Ligi Kuu ya Tanzania Bara Yanga ,wameonja ladha ya ushindi kwa kuifunga Njombe Mji 
 
Mshambiliaji wa zamani wa Simba Ibrahim Ajibu leo ameipa pointi tatu klabu yake mpya ya Yanga baada ya kufunga bao pekee lililoipa timu hiyo pointi tatu walipokuwa wanacheza ugenini dhidi ya Njombe Mji ya Ruvuma.

Bao hilo limeifanya Yanga kufikisha pointi nne sawa na timu ya Simba, lakini mabingwa hao wapo kwenye nafasi ya tano kwenye msimamo huku Simba wakiongoza ligi hiyo kwa tofauti ya mabao.

Ajibu alifunga bao hilo mapema dakika ya 16, akipiga mpira wa adhabu ndogo uliompita kipa wa Njombe Mji David Kisu na mpira kujaa wavuni.

Wenyeji Njombe Mji ndio waliouanza mchezo huo kwa kasi lakini baada ya dakika tano walijikuta wakikaribisha mashambulizi ya Yanga kwenye lango lao na kufungwa bao hilo ambalo lilidumu kwa muda wote wa mchezo.

Mshambuliaji wa Yanga Donald Ngoma alipoteza nafasi ya wazi ya kuifungia timu yake bao la pili kufuatia pasi nzuri ya Gadiel Machael lakini shuti lake lilipaa juu ya lango la Njombe Mji.

Mshambuliaji Ditram Nchimbi wa Njombe Mji alikuwa mwiba mkali kwa mabeki wa Yanga kwani muda wote wa mchezo alionekana kuwasumbua lakini miguu yake ilionekana kukosa macho kwani kila alipojaribu kufunga mashuti yake hayakuweza kulenga lango.

Kipa wa Yanga Youth Rostand, muda mwingi alionekana kuwa likizo kutokana na wapinzani wao kutofika mara kwa mara kwenye lango lake na mashambulizi mengi kuelekezwa kwenye lango lao ambapo beki Raban Kambole na Agaton Mapunda walionekana kufanya kazi ya ziada ili kuokoa mashambulizi hayo.

Kipindi cha pili kocha wa Njombe Mji Hassani Banyai, alifanya mabadiliko kwa kumtoa  Awadhi Salum ambaye alionekana kushindwa kuisaidia timu yake kwenye eneo la kiungo.

Mbadiliko hayo yalionekana kuiimarisha Njombe na kuanza kuishmbulia sana Yanga lakini walishindwa kutumia vizuri nafasi walizozipata kwenye mchezo huo.

Kipa wa Yanga Rostand alifanya kazi kubwa na yaziada kwenye mchezo huo kwa kuokoa mashambulizi mengi ya wenyeji wao baada ya wachezaji wake kuchoka huku upepo ukiwa ni moja ya sababu iliyowachangia mipira kushindwa kukaa mbele.

Huo ni ushindi wa kwanza kwa Yanga tangu kuanza kwa msimu huu ambapo katika mchezo wa kwanza uliokuwa wa ufunguzi timu hiyo ikiwa nyumbani uwanja wa Uhuru iliweza kulazimishwa sare ya kufungana bao 1-1 na Lipuli ya Iringa.

Comments

Post a Comment

Popular posts from this blog

SIMBA ILIVYONUSURIKA KUSHUKA DARAJA MWAKA 1989

By Anonymous -
Image
                    Kwanza lazima niseme tu mwaka 1989 ulikuwa mgumu kwa timu zilizoshiriki Ligi Daraja la Kwanza na hata kwa timu ya Taifa (Taifa Stars) na hata ile ya Tanzania Bara, ambayo ilishiriki kwenye michuano ya Kombe la Chalenji. Matokeo ya ajabu zaidi yalikuwa klabu ya Simba, ambayo ilijikuta ikinusurika kuteremka daraja mwaka huo, lakini kikubwa zaidi ni kule kushangazwa na ubora wa timu ya wajenzi ya MECCO kutoka Mbeya, ambayo mwaka huo ilikuwa imepanda daraja la kwanza. MECCO, ambayo ilikuwa inaundwa na wachezaji kama Epharaim Kayeta, Nassib Abbas, Betwell Africa, Abeid Kasabalala, Rashid Mandanje, Danford Ngesi, Charles Makwaza na wengineo, ilifanikiwa kuwabana mbavu Simba chini ya kocha Mohammed Hussein Hassan 'Msomali' ikiwa na wachezaji Moses Mkamdawire, Juma Shamte (alitokea Tukuyu), Omari Hussein 'Kakakuona' (alitokea Maji Maji), Dan Muhoja, Michael Kidilu, John Mkelele, Edward Chumila, Raphael Paul, ...
Read more

TUJIKUMBUSHE MECHI KALI KATI YA YANGA NA SIMBA NYAMAGANA 1974?

By Anonymous -
Image
Kikosi cha Yanga cha mwaka 1973 kabla Dk. Victor Stanculescu (wa pili kushoto) hajaondoka. Anayeongea na wachezaji na meneja wa timu, Shiraz Sharrif. Wengine ni Hassan Gobbos, Kitwana Manara, Maulid Dilunga, Sunday Manara, Elias Michael, Boi Idd 'Wickens', Selemani Said, Gibson Sembuli, Omar Kapera, Ally Yussuf, Abdulrahman Juma (nahodha). NA MWANDISHI WETU KWA wenye kumbukumbu nzuri bila shaka kipigo cha Nigeria cha magoli 2-1 toka kwa Italia katika raundi ya pili ya Kombe la Dunia huko Marekani mwaka 1994 kiliwarudisha mapema miaka ya 1970 pale Yanga ilipoichapa Simba magoli 2-1 kwenye fainali ya Ligi ya Taifa ya Soka kwenye Uwanja wa Nyamagana, Mwanza. Nasema huenda kumbukumbu hiyo ikawa imejitokeza kufuatia kufanana kwa kiasi kikubwa kwa matokeo hayo, hasa muda, yaani ‘timing’, magoli hayo yalipopatikana. Katika mchezo wa Nigeria na Italia Alhamisi ya Julai 14, 1994, Nigeria ilikuwa ikiongoza kwa goli moja ililolipata mapema kunako dakika ya 26 hadi dakika ya 87 Rob...
Read more

JINSI YANGA ILIVYOIADHIBU SIMBA MWAKA 1994

By Anonymous -
Image
Kikosi cha Yanga cha mwaka 1994. Kutoka kushoto waliosimama ni Salum Kabunda 'Ninja', Constantine Kimanda, Steven Casmir Nemes, Kenneth Pius Mkapa, Selemani Mkati. Waliochuchumaa kutoka kushoto ni Nico Bambaga 'Machine', Sekilojo Chambua, Edibily Lunyamila, James Tungaraza 'Boli Zozo', na Said Mwamba 'Kizota'. NA MWANDISHI WETU YOUNG Africans, ambayo mwaka 1993 iliteswa sana na wapinzani wake wa jadi, Simba, baada ya kutamba misimu miwili ya nyuma, hatimaye Jumamosi Februari 26, 1994 iliingia kwenye Uwanja wa Taifa, Dar es Salaam kuwakabili ‘wanyama hao wakali’ wa Msimbazi, ambao mwaka huo walikuwa wameongeza makucha yao kwa kuwasajili wachezaji mahiri na wauaji wa mabingwa hao watetezi wa Tanzania Bara, Yanga. Katika mchezo huo wa raundi ya nne ya Ligi Daraja la Kwanza ya Tanzania Bara, Young Africans waliingia uwanjani wakiwa wanadharauliwa kutokana na ubutu wa fowadi yao tokeo ligi hiyo ianze na kutokana na jinsi walivyoonyesha mchezo hafif...
Read more