Yanga watamba kurudi na pointi 6 Kanda ya Ziwa

By -

Uongozi wa Yanga umeahidi kurudi na pointi sita katika mechi zao mbili watakazokwenda kucheza kwenye mikoa ya Kagera na Mwanza kuanzia Jumamosi ijayo
Mabingwa watetezi wa taji la Ligi Kuu ya Tanzania Bara, Yanga wanatarajia kuoandoka Dar es Salaam, Alhamisi kuelekea mkoani Kagera, kwa ajili ya pambano lao la Jumamosi dhidi ya Kagera Sugar.
Msemaji wa Yanga Dismas Ten, ameiambia Goal, kikosi chao kinatarajia kuondoka na nyota wake wote kuelekea Kagera na Mwanza, kwa ajili ya mechi hizo ambazo wamepanga kushinda na kurudi na pointi zote sita.
“Tunakwenda kucheza mechi mbili dhidi ya Kagera Sugar na Mbao na zote ni mechi ngumu na ukweli tumepania kushinda ndiyo maana tunakwenda mapema tukiwa na kikosi chetu kamili,” amesema Ten.
Msemaji huyo amesema wachezaji wao wote wapo sawa na hakuna aliyekuwa majeruhi jambo ambalo linawapa matumaini ya kutimiza kile ambacho wamekikusudia kukifanya kwenye mechi hizo.
Msemaji huyo aliyewahi kufanya kazi na klabu ya Mbeya City, amesema baada ya mechi yao ya juzi dhidi ya KMC ya Daraja la kwanza na kushindwa kufungana wanatarajia kuanza mazoezi kesho Jumanne na Jumatano kabla ya Alhamisi kuanzasafari ya Kagera.
Yanga inashika nafasi ya sita kwenye msimamo wa Ligi Kuu ya Tanzania Bara, wakiwa na pointi 9, katika mechi tano walizocheza msimu huu.

Comments

Post a Comment

Popular posts from this blog

SIMBA ILIVYONUSURIKA KUSHUKA DARAJA MWAKA 1989

By Anonymous -
Image
                    Kwanza lazima niseme tu mwaka 1989 ulikuwa mgumu kwa timu zilizoshiriki Ligi Daraja la Kwanza na hata kwa timu ya Taifa (Taifa Stars) na hata ile ya Tanzania Bara, ambayo ilishiriki kwenye michuano ya Kombe la Chalenji. Matokeo ya ajabu zaidi yalikuwa klabu ya Simba, ambayo ilijikuta ikinusurika kuteremka daraja mwaka huo, lakini kikubwa zaidi ni kule kushangazwa na ubora wa timu ya wajenzi ya MECCO kutoka Mbeya, ambayo mwaka huo ilikuwa imepanda daraja la kwanza. MECCO, ambayo ilikuwa inaundwa na wachezaji kama Epharaim Kayeta, Nassib Abbas, Betwell Africa, Abeid Kasabalala, Rashid Mandanje, Danford Ngesi, Charles Makwaza na wengineo, ilifanikiwa kuwabana mbavu Simba chini ya kocha Mohammed Hussein Hassan 'Msomali' ikiwa na wachezaji Moses Mkamdawire, Juma Shamte (alitokea Tukuyu), Omari Hussein 'Kakakuona' (alitokea Maji Maji), Dan Muhoja, Michael Kidilu, John Mkelele, Edward Chumila, Raphael Paul, ...
Read more

TUJIKUMBUSHE MECHI KALI KATI YA YANGA NA SIMBA NYAMAGANA 1974?

By Anonymous -
Image
Kikosi cha Yanga cha mwaka 1973 kabla Dk. Victor Stanculescu (wa pili kushoto) hajaondoka. Anayeongea na wachezaji na meneja wa timu, Shiraz Sharrif. Wengine ni Hassan Gobbos, Kitwana Manara, Maulid Dilunga, Sunday Manara, Elias Michael, Boi Idd 'Wickens', Selemani Said, Gibson Sembuli, Omar Kapera, Ally Yussuf, Abdulrahman Juma (nahodha). NA MWANDISHI WETU KWA wenye kumbukumbu nzuri bila shaka kipigo cha Nigeria cha magoli 2-1 toka kwa Italia katika raundi ya pili ya Kombe la Dunia huko Marekani mwaka 1994 kiliwarudisha mapema miaka ya 1970 pale Yanga ilipoichapa Simba magoli 2-1 kwenye fainali ya Ligi ya Taifa ya Soka kwenye Uwanja wa Nyamagana, Mwanza. Nasema huenda kumbukumbu hiyo ikawa imejitokeza kufuatia kufanana kwa kiasi kikubwa kwa matokeo hayo, hasa muda, yaani ‘timing’, magoli hayo yalipopatikana. Katika mchezo wa Nigeria na Italia Alhamisi ya Julai 14, 1994, Nigeria ilikuwa ikiongoza kwa goli moja ililolipata mapema kunako dakika ya 26 hadi dakika ya 87 Rob...
Read more

JINSI YANGA ILIVYOIADHIBU SIMBA MWAKA 1994

By Anonymous -
Image
Kikosi cha Yanga cha mwaka 1994. Kutoka kushoto waliosimama ni Salum Kabunda 'Ninja', Constantine Kimanda, Steven Casmir Nemes, Kenneth Pius Mkapa, Selemani Mkati. Waliochuchumaa kutoka kushoto ni Nico Bambaga 'Machine', Sekilojo Chambua, Edibily Lunyamila, James Tungaraza 'Boli Zozo', na Said Mwamba 'Kizota'. NA MWANDISHI WETU YOUNG Africans, ambayo mwaka 1993 iliteswa sana na wapinzani wake wa jadi, Simba, baada ya kutamba misimu miwili ya nyuma, hatimaye Jumamosi Februari 26, 1994 iliingia kwenye Uwanja wa Taifa, Dar es Salaam kuwakabili ‘wanyama hao wakali’ wa Msimbazi, ambao mwaka huo walikuwa wameongeza makucha yao kwa kuwasajili wachezaji mahiri na wauaji wa mabingwa hao watetezi wa Tanzania Bara, Yanga. Katika mchezo huo wa raundi ya nne ya Ligi Daraja la Kwanza ya Tanzania Bara, Young Africans waliingia uwanjani wakiwa wanadharauliwa kutokana na ubutu wa fowadi yao tokeo ligi hiyo ianze na kutokana na jinsi walivyoonyesha mchezo hafif...
Read more